33-anyos nga lalaki nga tuyo kuntani utason ang kabuhi, natigayon nga masalbar

ROXAS CITY – Padayon nga ginabulong sa isa ka pribado nga ospital ang isa ka 37-anyos nga lalaki matapos ginaalegar nga nagtuyo utason ang iya kabuhi sa Barangay Salocon, Panitan, Capiz.

Sa interview sang Bombo Radyo kay Police Corporal Mark Rendon sang Panitan Municipal Police Station nga maswerte nga naabtan na lamang ang biktima sang iya hinablos nga ginautas na sini kuntani ang iya kabuhi.

Apang gilayon naman nga nakapangayo sang bulig ang iya hinablos kun sa diin madasig naman nga nagresponde ang mga kapulisan sa lugar.

Sa pagresponde sang mga pulis gintinguhaan nila ini nga masalbar ang biktima pinaagi sa Cardio Pulmonary Rescucitation ukon CPR kag gindala sa ospital.