33-anyos nga persona arestado sa kaso nga Homicide sa banwa sang Dumarao, Capiz

ROXAS CITY – Dakop ang isa ka mangunguma matapos ginserbihan sang mga kapulisan sang mandamiento de aresto sa Barangay Pob. Ilaya, Dumarao, Capiz.

Ginkilala ang nadakpan nga si Vincent Maxian, 33-anyos sang Barangay Astorga, Dumarao, Capiz.

Kaso nga Homicide ang ginapangatubang sang nasambit nga akusado.

Ang amo nga warrant of arrest ang ginpapanaog ni Hon Ignacio I. Alajar, Presiding Judge of RTC Branch 6 Roxas City.

Ginrekomendar naman sang korte ang P120,000 nga piyansa para sa temporaryo nga kahilwayan sang nasambitan nga akusado.