33 ka mga baboy, patay matapos nagtagilid ang truck nga nagakarga

Patay ang 33 tanan ka mga baboy nga ginabulubanta nagalab-ot sa P600,000 ang matapos nga nagbaliskad ang truck nga sakay sini sa Malungon, Sarangani Province.

Sandig sa imbestigasyon, yara sa downhill nga bahin sang national highway sa Barangay Nagpan ang truck sang nadulaan ini sang preno.

Napaslawan naman ang driver sa pagkontrol sang truck bangud sa kabug-at sang karga sini, tubtub nga nagdiretso sa kilid sang karsada ang salakyan kag nagbaliskad.

Napilasan ang driver sang truck bangud sa insidente.

Nahibaluan nga dal-on kuntani sa Davao City ang amo nga mga baboy.