33 ka mga baboy, patay sang matumba kag magtakilid ang truck

Patay ang 33 ka mga baboy nga ginabanta nagabalor sang P600,000 sang magtakilid ang truck nga nagakarga sa ila sa Malungon, Sarangani Province.

Dal-on pa kuntani sa Davao City ang mga baboy.

Nagaguwa sa imbestigasyon nga yara sa papanaog nga parte sang national highway sa Braaangay Nagpan ang truck sang madulaan ini sang preno.

Napaslawan ang driver nga makontrol ang truck bangud sa bug-at nga karga sini, tubtob nga nagdiretso ang salakyan, natumba kag nagtakilid.

Pilason naman ang pahinante sang truck.