Ginakabig ang 34-anyos nga flight attendant gikan sa Martinique sa French Caribbean island nga pinakamatigulang nga nagdaog sang Miss France pageant.
Si Angelique Angarni-Filopon ang nagdaog sang nasambit nga titulo matapos nga bag-uhon sang organizers ang pagsulundan nga mahimo nga makapasakop ang may edad nga masobra 24 subong man ang mga may-asawa ukon isa ka iloy.
Sadtong 2011, nagdaog na si Angelique bilang first runner up sang Miss Martinique competition kun sa diin 20-anyos pa lamang siya sadto.
May ara sang kabug-usan nga 30 kandidata ang nagpasakop mangin ang mga doctors kag dentista ang kalakip sa finals.
Nagpasundayag ang mga ini sa swimsuits, regional costumes kag ballgowns. Iga-represent na ni Filopon ang France sa Miss Universe pageant para sa masunod nga tuig.
