ROXAS CITY – Madasig nga gindala sa isa ka pribado nga ospital ang isa ka 34 anyos nga lalaki matapos bumunggo ang ginamaneho sini nga motorsiklo sa gutter sang karsada sa Barangay Poblacion Ilawod, Panitan, Capiz.
Ginkilala ang biktima nga si Mark Anthony Celoso, residente sang Barangay Salocon sang nasambit man nga banwa.
Base sa inisyal nga impormasyon nga nakuha sang Bombo Radyo kay Police Corporal Carl Bryan Albisor, imbestigador sang Panitan Municipal Police Station, samtang naga-maneho sang iya motorsiklo ang biktima, nag-overtake ini sa isa ka salakyan.
Apang bangud sa ginapahayag madasig nga pagpadalagan sang biktima, nadulaan ini sang kontrol sa manubela kag bumunggo sa gutter sang karsada.
Bangud diri, natumba ang motorsiklo kag nasamaran sa ulo ang biktima.
