35-anyos nga babaye dakop, matapos nga nagapatigayon sang iligal nga pagpataya ukon STL Bookies sa banwa sang Panay

ROXAS CITY – Dakop ang isa ka babaye matapos nga nagapatigayon sang iligal nga pataya ukon STL Bookies kahapon takna alas 3:30 sang hapon Hunyo 12, 2023 sa Barangay Tico, Panay, Capiz.

Ginkilala ang nadakpan kay Marissa Dacibar 35-anyos kag residente  sang Sitio Tico Brgy. Tabuc, Pontevedra, Capiz.

Sa impormasyon nga nakuha sang Bombo Radyo sa Panay Municipal Police Station ginapahayag nga natigayon nga madakpan si Dacibar matapos ang ginpatigayon nga Anti- illegal gambling operation samtang akto nga nagapataya.

Nakuha kay Dacibar ang P589.00, 1 ka cotejo, 2 ka ballpen kag 1 ka pouch bag nagaduag asul.

Sa karun yara na sa kustodiya sang Panay Municipal Police Station  ang nasambit nga nadakpan para sa nagakaigo nga disposisyon.