Sa una nga paglantaw, makasiling ka nga isa ka teenager si Brandon Miles May sang Detroit, Michigan, USA, apang siya ang nagapag-edaron na sang 35-anyos.
Ang iya panglawason dala sang isa ka ginatawag nga hormonal disorder.
Bilang social media content creator, ginpakigbahin ni Brandon sa videos sini ang iya anti-aging regimen kag balanced diet, kun sa diin ginpakita niya ang iya pamaagi sa paglikaw sa tuman ka silak sang adlaw kag pagsunod sa disiplinado nga oras sang pagtulog.
Suno kay Brandon, wala siya nagparetoke kag wala siya nagainum sang makahulubog nga ilimnon kag pagpanigarilyo.
Mahibaluan nga may yara na ini sang 56.3K followers kag 1.1M likes sa iya isa ka social media account, nga kun sa diin naghatag pa ini sang panugyan sa iya mga fans agud ipabilin nga mapagros kag mangin bata ang nawong.
Sa pihak sang mga positibo nga reaksyon nagikan sa mga supporters, may mga nagpahayag sang ila mga pagkabalaka sa lifestyle sang nasambit nga content creator.
