ROXAS CITY – Pilason ang 35-anyos nga lalaki matapos mga ginaalegar ginbuno sang mag-amay sa isa ka bilasyonan sa Barangay San Francisco, Tapaz, Capiz.
Ginkilala ang biktima kay Ian Mark Montoya.
Samtang ang suspek amo sanday Jeseto, 52-anyos kag John Paul Galicto 22-anyos nga lunsay mga residente sang nasambit nga barangay.
Sa nakuha nga impormasyon sang Bombo Radyo sa Tapaz Municipal Police Station, nga nagalantaw sang hinampang ang biktima, apang hinali nalang ini nga ginbuno sang mga suspek.
Nag-angkon ini sang kapilasan sa lawas nga gilayon ginpadangat sa Tapaz District Hospital apang gintransfer sa Roxas Memorial Provincial Hospital (RMPH).
Natigayon nga madakpan ang amay nga suspek, apang nakapalagyo ang iya bata.
Ginaimbestigahan pa sa karon sang mga kapulisan kun ano ang motibo sa insidente.
