35-anyos nga lalaki ginhunong sa karsel matapos nga ginaalegar nagtuga sang eskandalo

ROXAS CITY – Ginkustodiya sa Roxas City Police Station ang isa ka 35-anyos nga persona matapos nga nagtuga sang kinagamo sa Barangay Punta Tabuc, Roxas City.

Ginkilala ang amo nga persona kay Mark Urdelas sang nasambit nga lugar.

Base sa inisyal nga imbestigasyon sang Roxas City PNP nga nagatuga sang eskandalo si Urdelas sa amo nga lugar kag yara sa idalom sang impluwensya sang makahulubog nga ilimnon.

Bangud diri, ginpakamaayo na lamang nga dal-on sa Roxas City Police Station sang pila ka mga opisyales sang amo nga barangay para sa nagakaigo nga disposisyon.