-- ADVERTISEMENT --
ROXAS CITY – Patay na sang nasapwan ang isa ka 35-anyos nga lalaki matapos na-trap sa pinsa sang ila puluy-an sa Barangay Lus-anon banwa sang Panay.
Ginkilala ang biktima kay Melvin Bulao, residente sang nasambit nga barangay.
Sandig sa impormasyon nga nakuha sang Bombo Radyo Roxas sa punong barangay, nga sadtong gab-i sang Lunes, Abril 11 ginsalom sang biktima ang pinsa sa idalom sang ila puluy-an agud kuhaon ang ila mga itik apang ginapatihan nga sang ini ang tuyo na nga maguwa indi na sini matultulan ang alagyan rason nga napungg-an ini kag nalumos.
Sa karun, yara na sa isa ka punerarya ang bangkay sang biktima sa nasambit nga banwa.
