ROXAS CITY – Patay na sang masapwan ang 35-anyos nga mister sa isa ka housing unit sa San Felipe Neri Village, Brgy. Santa Cruz, Ivisan Capiz.
Ginkilala ang biktima kay Jessie Quirao residente sang Brgy. Cabugao, Ivisan Capiz apang temporaryo nga nagapuyo sa balay sang iya iloy sa nasambit nga lugar.
Sandig sa inisyal nga imbestigasyon snag mga katapo sang Ivisan MPS, alas-11 kaina sang aga, Pebrero 9, sang masapwan ini sang mga naghampang nga mga kabataan.
Nagaguwa pa sa amu nga imbestigasyon nga may nakita ang mga otoridad nga may nakaptan nga blade ang biktima kag may inagihan sang paglaslas sa iya kamot.
Ginpahayag man nga may ginasupreher nga depresyon ang biktima.
Ginpadulongan man sang mga katapo sang Scene of the Crime Operatives (SOCO) ang lugar kag padayon ang imbestigasyon angut sa insidente.
