-- ADVERTISEMENT --
ROXAS CITY – Pilason nga ginpadangat sa ospital ang 35 anyos nga persona matapos maaksidente ini sa iya ginamaneho nga motorsiklo.
Ginkilala ang biktima kay Hector Barcena, Jr., residente sang Homesite, Barangay Tiza, sining siyudad.
Mahibaluan nga samtang ginasubay sang biktima ang dalan sakay sa iya nga motorsiklo, aksidente ini nga nagbunggo sa gutter kag nagdiretso man bunggo sa isa ka poste.
Bangud diri, nag-angkon sang mga pilas sa lawas ang biktima nga gilayon gindapatan sang nagakaigo nga pagbulong sang mga katapo sang Capiz Emergency Response Team (CERT) antes ginpadangat sa ospital.
