ROXAS CITY – Nagpabalhag sang reklamo ang isa ka 35-anyos nga punong barangay matapos nga ginaalegar ginakwestyon kag ginpahog ini sang isa ka barangay kagawad sa Barangay Inzo, Roxas City.
Ginkilala ang tagreklamo nga si Punong Barangay Eistein Chinumezi Okpora sang nasambit nga lugar.
Sandig sa ginpabalhag sang nasambit nga tagreklamo nga nagpadulong ini sa barangay hall apang nakibot na lamang ini sang yara na sa sulod sang opisina ang pila ka mga barangay kagawad sa diin ginaalegar nga ginakwestyon ang iya sini suspension order kag ginpahog pa ni Barangay Kagawad Ervin Sicad.
Mahibaluan nga ginhulam sang nasambit nga barangay kagawad ang yabi sang barangay hall sa ila utility worker nga si Gerald Maquimot nga wala sang pahanugot sa nasambit nga punong barangay.
Bangud diri, ginpakamaayo na lamang sang tagreklamo nga iparekord sa pulisya ang insidente.
