35 ka mga indibidwal, patay samtang 30 naman ang pilason matapos nagbunggu-anay ang duha ka depasahero nga bus sa Syria

Indi magnubo sa 35 ang napatay kag 30 ang pilason matapos nagbunggu-anay ang duha ka depasahero nga bus sa Deir ez-Zor–Damascus Highway sa Syria.

Suno sa Syrian Interior Ministry, kalakip sa mga nadalahig ang isa ka bus nga may sakay nga mga katapo sang Internal Security Forces kag isa ka civilian passenger bus.

Gilayon naman nga nag-abot sa lugar ang mga ambulansya kag iban pa nga emergency responders agud dal-on sa ospital ang mga pilason kag buligan ang mga biktima.

Nagpakig-angut man ang mga rescue teams sa Interior kag Health Ministries para sa nagakaigo nga pagresponde kag pagkuha sang mga bangkay sang mga nagkalamatay sa trahedya.