36 anyos nga lalaki gindakop matapos naglapas sa curfew hour sa President Roxas

PRESIDENT ROXAS, CAPIZ – Gindakop sang mga kapulisan ang 36 anyos nga lalaki matapos naglapas sang ginapatuman nga curfew hour sa Barangay Marita, President Roxas, Capiz.

Ginkilala ang nadakpan nga si Larry Besana, residente sang nasambit man nga lugar.

Mahibaluan nga ginsita ang nasambit nga lalaki bangud oras na sang curfew sang ini ang masiplatan.

Apang nag-insister pa ini nga wala na sang ginapatuman nga curfew rason nga ginapakamaayo na lamang nga dal-on ini sa estasyon sang pulisya.

Namutikan pa nga yara sa idalom sang impluwensiya sang makahulubog nga ilimnon si Besana sang ini ang ginsita.