ROXAS CITY – Patay ang isa ka 36-anyos nga lalaki matapos nga ginpulihan labo sa Barangay San Juan, Jamindan, Capiz.
Ginkilala ang biktima nga si Joemin Nicolas sang nasambit nga lugar.
Sandig sa inisyal nga imbestigasyon sang Jamindan PNP nga magkaupod nga nagainom ang biktima kag duha ka suspek nga sanday Felomino Villeza kag Eric Balaquio nga lunsay mga residente sang amo man nga lugar.
Nahibaluan nga papuli na kuntani ang nasambit nga mga persona sang ginaalegar nga hinali na lamang nga ginlabo sang duha ka mga suspek gamit ang duha man ka binangon.
Bangud diri, nag-angkon sang patal nga pilas sa dughan, liog kag abaga ang biktima nga gintunaan naman sang kamatayon sini.
Nahibaluan nga gintinghuan pa madala sa ospital ang biktima apang ginbawian man ini sang kabuhi.
Padayon naman ang hot pursuit operation sang mga kapulisan sa duha ka mga nakapalagyo nga suspek matapos ang insidente.
