36-anyos nga persona ginserbihan sang WOA sang mga kapulisan sa Balasan, Iloilo

ILO-ILO – Arestado ang isa ka 36-anyos nga persona matapos ginserbihan sang warrant of arrest sang mga kapulisan sa Barangay Maya, Balasan, Iloilo.

Ginkilala ang arestado kay Christian Leuterio sang Purok Saya-Saya, Barangay Maya, Balasan, Iloilo.

Kaso nga Grave Oral Defamation ang ginapangatubang sang nasambit nga akusado.

Ginrekomendar naman sang korte ang P18,000 nga piyansa para sa temporaryo nga kahilwayan sang suspek.

Sa karon, nakahunong na sa karsel sang Balasan PNP ang nasambit nga arestado.