MANILA, Philippines – Nagpagwa sang notices of violation ang Department of Agriculture ukkon “DA”, batok sa 36 ka rice retailers bangud sa wala nila pagsunod sa mandatory price ceiling nga P50 kada kilo sang imported nga bugas.
Suno sa DA, 19 ka retailers ang gikan sa Ilocos Region, walo sa Metro Manila, apat sa Central Luzon, tatlo sa Negros Island Region kag duha sa Bicol.
Lakip sa mga nasita ang isa ka rice retailer sa Trabajo Market sa Sampaloc, Manila, matapos na aktuhan nga ginbaliskad sini ang presyo sang imported nga bugas halin P55 kada kilo sa pag-abot sang mga inspektor.
Samtang ang retailer naman sa Alabang Central Public Market nahibaluan nga naglapas man sa pagbaligya sang imported premium rice sa P60 kada kilo, kag sa padayon nga pag pang-usisa may iban pa nga gin-alegar nga nagbutang sang peke nga label sa ila ginabaligya nga bugas.
Sa karon padayon ang pag inspeksyon sang DA sa mga merkado agud masiguro ang pagsunod sa Executive Order No. 118 nga nagapatuman sang P50 kada kilo nga price cap sa imported nga bugas.
