Patay ang 37-anyos nga lalaki matapos nalumos sa Sitio Naurok, Barangay Bantigue, Panay, Capiz.
Ginkilala ang biktima kay alyas “Melvin”, residente sang Sitio Hilario, Barangay Agbanog, Pontevedra, Capiz.
Sandig sa nangin imbestigasyon sang Panay Municipal Police Station, ginapahayag nga nakabaton ang mga ini sang report nagikan sa isa ka concerned citizen nga may nasapwan nga nagalutaw-lutaw nga persona sa nasambit nga lugar.
Gilayon naman ini nga ginrespondehan sang mga katapo sang Panay PNP kag sa pag tsekyar sang mga ini sa lugar, wala na sang kabuhi ang nasambitan nga persona kag madasig nga ginpadangat sa Bailan District Hospital, apang gindeklarar nga dead on arrival sang doktor nga nag-atendir.
Nagapati naman ang pamilya sang biktima nga wala sang foul play nga natabo angut sa natabo nga insidente.
Sa karon, yara na ang bangkay sang amo nga biktima sa isa ka punerarya sa banwa sang Pontevedra.
