37-anyos nga lalaki pilason matapos nga ginaalegar ginlabo sa banwa sang Panitan, Capiz

ROXAS CITY – Pilason ang isa ka lalaki matapos nga ginaalegar ginlabo sa Barangay Tincopon, Panitan, Capiz.

Ginkilala ang biktima nga si Donato Alatiit 37-anyos sang nasambit nga lugar.

Base sa inisyal nga imbestigasyon sang mga kapulisan nga samtang nagapauli na ang biktima sang hinali na lamang nga ginbantayan kag ginlabo sang suspek nga si Jofrey Batuigas si Alatiit.

Bangud diri, nag-angkon sang pilas sa natuo nga porsyon sang likod, kilay kag kamot ang biktima nga gilayon naman nga gindala sa ospital agud dapatan sang nagakaigo nga pagbulong.

Nagapadayon naman ang imbestigasyon kag ginapatigayon nga hot pursuit operation sang mga kapulisan sa suspek nga nakapalagyo matapos ang insidente.