37 ka mga indibidwal, patay sa flash floods sa Morocco

Naglab-ot na sa 37 ang napatay matapos nag-igo ang flash floods sa Morocco.

Ang mga salakyan nalumos sa tubig kag lunang pagkatapos sang flash floods nga nag-igo sa rehiyon sang Safi.

Indi magnubo sa 70 ka mga puluy-an ang nahalitan matapos gin-anod sang tubig baha.

Gindala man sa ospital ang pila ka mga residente matapos nga nag-angkon sang pilas tuga sang mga debris.

Padayon ang search and rescue operations sang mga otoridad para sa mga nadula nga residente.

Pila ka adlaw nga mabaskog nga ulan ang nagtuga sang malapnagon nga flash floods sa lugar kun sa diin nag-awas ang suba.