38-anyos nga lalaki, gin-aresto sa kaso nga Reckless Imprudence Resulting in Damage to Property

ROXAS CITY – Arestado ang isa ka lalaki matapos nga ginserbihan sang warrant of arrest sang mga katapo sang mga kapulisan sa Brgy. Cabugcabug, President Roxas, Capiz.

Ginkilala ang akusado kay Ruel Balana Basan, 39-anyos kag residente sang Brgy. Bayuyan, sa nasambit nga banwa.

Kaso nga paglapas sa Reckless Imprudence Resulting in Damage to Property (RPC ART. 365) ang ginapangatubang ni basan.

Ang warrant of arrest ang ginpapanaug kag ginpirmahan ni Hon. Jerry F. Marañon Presiding Judge sang MTCC, Six Judicial Region, Passi City, Iloilo, napetsahan Enero 5, 2022.

Ginrekomendar sang korte ang P30,000 nga kantidad para sa temporary nga kahilwayan sang akusado.

Sa karon, nagapabilin ini sa President Roxas MPS para sa nagakaigo nga disposisyon.