38-anyos nga lalaki nga nabungguan sang salakyan, padayon nga ginabulong sa ospital

ROXAS CITY – Padayon sa karon nga ginabulong sa ospital sa probinsya sang Iloilo ang 38-anyos nga lalaki nga nabungguan sang salakyan sa Barangay Cagay, Roxas City.

Ginkilala ang biktima kay Marlon Delmoro sang nasambit nga lugar.

Base sa inisyal nga imbestigasyon sang Roxas City PNP nga samtang nagatabuk ang biktima sa karsada aksidente na lamang ini ginbungguan sang salakyan nga ginamaneho ni Freddy Gallardo, 48-anyos sang Barangay Lawaan sining siyudad.

Bangud diri, nag-angkon sang pilas sa lawas ang nasambit nga biktima.

Madasig naman nga nagresponde ang Capiz Emergency Response Team (CERT) kag gilayon nga gindala sa ospital ang biktima.

Samtang, temporaryo naman nga ginkustodiya ang driver sang salakyan matapos ang insidente.