38 Pinoy crew sang MV Hondius, negatibo sa hantavirus

Reviews

Nag-negatibo sa hantavirus ang 38 ka Pilipino nga crew members sang MV Hondius nga una ginpaidalom sa quarantine bangud sang mga kaso sang virus sa barko.

Suno sa mga otoridad, maayo ang kondisyon sang mga Pinoy crew kag wala sang may nagpakita sang sintomas sang sakit. Padayon man ang pagmonitor sa ila samtang ginatapos nila ang mandatory quarantine nga natalana matapos sa Hunyo 18.

Ginpahayag man nga ginapatuman sang mga health authorities ang nagakaigo nga health protocols agud masiguro ang kaluwasan kag kaayuhan sang tanan nga crew members antes sila tugutan nga makabalik sa normal nga buluhaton.