Ginpakulob sang Detroit Pistons ang Atlanta Hawks sa pihak sang 38-point double-double ni Atlanta Hawks sharpshooter Trae Young.
Mahibaluan nga gintupungan ni Pistons star Cade Cunningham ang 38 points 13 assists ni Young kag naghimo man sang 38 points 12 assists, kaupod ang 7 rebounds.
Magluwas kanday Young kag Cunningham, nagpahayag ang duha ka Pistons kag Hawks player nga sanday Dyson Daniels kag Malik Beasley.
Nahimo ni Hawks guard Daniels nga magpasulod sang 24 points kag 6 nga assists samtang 24 points, 7 rebounds naman ang gin-amot ni Pistons bench Malik Beasley.
Ang 3rd scorer sang Hawks nga si Georges Niang, nagkamada sang 27 points ang indi matupungan sang Pistons.
Sa kabug-usan nga hampang, pito ka player sang Piston ang nagbulsa sang double-digit scores giya agud ibulsa ang kadalag-an kontra sa Hawks.
Nagbayluhanay man ang duha ka koponan sang masobra 20 tres kung sa diin 21 ang napasulod sang Hawks samtang 20 ang ginbalos sang Detroit.
Bangud sini, ini na ang ika-31 nga pagkapiyerde sang Hawks subong nga season samtang 26 nga hampang pa lamang ang nangin kadalag-an.
