Nagpagkit ang Pilipinas sang $394 million nga net inflows sang foreign direct investments sadtong Hunyo, suno sa Bangko Sentral ng Pilipinas (BSP).
Mas manubo ini sa $555 million net inflows nga na-poste sa kaparehas nga bulan sadtong tinalikdan nga tuig.
Suno sa central bank, ang tanan nga major FDI components nagpagkita sang mas manubo nga net inflows: ang nonresidents’ net investments in debt instruments nagnubo sang 30 percent sa $213 million nagikan sa $304 million sadtong 2023.
Nagnubo man ang nonresidents’ net investments in equity capital (other than reinvestment of earnings) sang 33.2 percent sa $74 million nagikan sa $111 million, samtang ang reinvestment of earnings nagnubo sang 23.4 percent sa $107 million.
Sa datos sang BSP, kadam-an sa equity capital placements sadtong Hunyo ang nagikan sa Japan, United States, Sweden, kag Singapore.
Mahibaluan nga ginkapital ang mga ini sa manufacturing, real estate, wholesale and retail trade, kag financial and insurance industries.
Subong man para sa first half sang tuig, ang nagsulod nga FDIs sa pungsod ang nagsaka sa $4.4 billion, mas mataas sang 7.9 percent kung ikumparar sa $4.1 billion nga napagkit sa kaparehas nga panahon sadtong nagligad nga tuig.
Kumparar sa mga kaupod sini sa rehiyon, ang Pilipinas ang naulihi pag-abot sa pagganyat sang foreign investments.
Samtang, nagalaum ang gobyerno nga ang mga pagbag-o sang damlag sa investment laws sang pungsod nga nagakuha sang restrictions sa foreign ownership ang makabulig agud maganyat ang madamo nga foreign investments.
