Nagpakigbahin sang ila mga preparasyon kag advocacy ang Third batch sang Lin-ay kag Hangaway sang Capiz 2026.
Ang nasambit nga kompetisyon ang kabahin sang selebrasyon sang Capiztahan 2026 sa Probinsya sang Capiz.
Sa interview sang Bombo Radyo kay Mariel Raiza Herrera, Lin-ay sang Sapian Capiz, iya ginpahayag nga ang lin-ay kag hangaway sang Capiz indi lang nagrepresent sa kon ano ka kondi ginarepresent niya man sini ang iya nga Municipality kag ang Probinsya sang Capiz.
Suno kay Mariel, dapat ang isa ka Lin-ay kag hangaway ang may yara sang pagpalangga sa Kultura kag pagpalapnag tradisyon nga kinahanglan pagadal-on sa adlaw-adlaw nga pagpangabuhi.
Pahayag pa sini nga ang pageant indi lang nga nagarepresent sang imo nga banwa kondi gindala mo sini ang bug-os man ga Probinsya.
Samtang, suno naman kay Ela Mae Durana, lin-ay sang Maayon, Capiz, iya ginpahayag nga ginapreparahan niya gid ang ini nga Kompetisyon bangud indi lang ini sang ginatawag nga normal nga pageant kundi isa ini ka Provincial Pageant kon sa diin ginarepresentar niya ang iya sini nga banwa agud nga mangin proud sa iya.
Dugang pa sini, nga importante gid ang focus sa competition lakip na ang paghanda sang kaugalingon mentally, physically, emotionally and spiritually.
Pahayag pa niya nga ang purpose sang lin-ay kag hangaway 2026 indi lang basta nakafocus sa beauty kondi naga focus ini sa kon ano ang Batasan sang isa ka tawo.
Ginpakigbahin man ni Emmanuel Quiachon, Hangaway sang Banwa sang Sapian, nga ang characteristics nga ginadala sang isa ka hangaway ang may yara sang resilience kag confident agud nga maipakita ang imo kaisog kag pagsalig sa imo nga kaugalingon.
Suno sa iya, bilang isa ka Sapianon nakita niya kon ano kapisan kag kaisog ang mga pumuluyo sa banwa sang Sapian nga ginakabig niya nga inspiration sa iya pag-join sa nasambit nga kompetisyon.
Samtang suno naman kay Rhed Dumot, Hangaway sang banwa sang Maayon, iya ginpahayag nga dapat mangin confident sa tanan nga bagay kag mangin friendly sa mga kaupod nga Hangaway kag Lin-ay bangud sa sini nga pamaagi mapakita ang imo ikasarang kag ang imo batasan sa nasambit nga kompetisyon.
Para sa iya ang hangaaway indi lang sa ginatawag nga pagwapo-gwapo kondi diri mo maipakita kon ano ka nga klase sang tawo agud mangin role model sa mga kabataan.
