Naghatag pasidungog ang 3rd Infantry Division sang Philippine Army sa mga soldado kag iban pa nga naghalad sang ila kabuhi sa pagpalaya sang Marawi City halin sa kamot sang mga terorista.
Sa interview sang Bombo Radyo kay Major Jecey R. Batiller, Spokesperson sang 3rd Infantry Division Philippine Army, iya ginpahayag nga naghiwat ang division sang wreath-laying ceremony sa Heroes Monument, Headquarters sang 3ID sa Camp General Macario Peralta Jr., Jamindan, Capiz, sang Oktubre 16, 2026.
Kabahin ini sang pagdumdom sa Marawi Siege kag selebrasyon sang Liberation of Marawi City agud pasidunggan ang kaisog, sakripisyo kag kabayanihan sang mga nagpakig-away batok sa mga terorista.
Paagi sa seremonya, ginpadunggan ang mga kabuhi nga nautas sa madugay nga inaway sa Marawi, nga nagapakita sang ila dedikasyon sa pagproteher sang pungsod kag pagpreserbar sang kalinong kag seguridad sang mga Pilipino.
Nagapabilin naman nga inspirasyon sa subong kag masunod nga henerasyon ang kabaganihan sang mga naghalad sang ila kabuhi para sa kalinong sang pungsod.
