Madinalag-on nga ginsaulog sang 3rd Infantry (Spearhead) Division sang Philippine Army ang ila ika-52 Founding Anniversary sa Camp General Macario Peralta Jr. sa Jamindan, Capiz.
Sa interview sang Bombo Radyo kay Captain Jessie Jun Ebalan, Chief Division Public Officer sang 3rd Infantry Division, iya ginpahayag nga ang selebrasyon ang ginlakipan sang pagpresentar sang ila mga accomplishment lakip na ang combat operations, administrative achievements, pagpasanyog sang morale kag iban pa nga kadalag-an sang Philippine Army.
Suno kay Ebalan, daku ang kontribusyon sang ila combat kag administrative operations sa pagmintinar sang kalinong sa Panay, Negros kag Cebu.
Pahayag pa niya, ang area of responsibility sang 3rd Infantry Division nga nagalakip sa Cebu Province, Negros Occidental, Negros Oriental kag lima ka probinsya sang Western Visayas lakip ang Guimaras, Iloilo, Aklan, Antique kag Capiz nga gindeklarar nga malinong kag yara sa kontrolado nga sitwasyon.
Dugang pa sang natungdan, padayon ang 3rd Infantry (Spearhead) Division sang Philippine Army sa pagbantay kag pagbisita sa mga lugar kaqg maayo nga koordinasyon kag pagbinuligay sang mga stakeholders kag local government units.
