Patay ang 4 ka tuig nga bata nga babaye matapos ginaalegar ginhiluan sang iya lola sa isa ka barangay sa banwa sang Don Carlos, Bukidnon.
Suno sa report sang kapulisan sa banwa sang Don Carlos, nag-inaway ang lola kag ang iya bana rason nga nagresponde ang mga kapulisan.
Pagkatapos sini, ang lolo sang bata naghalin sa ila puluy-an kag didto natabo ang krimen.
Ginpahayag nga nagkuha sang botelya ang lola kag ginbutangan sang gatas, apang ginsamuan sang hilo sang ilaga kag dayon ginpainom sa bata.
Ang lola nag-inom man sang amo man nga hilo.
Gilayon naman nga nagresponder ang mga otoridad kag gindala sa ospital ang bata kag ang lola sini apang masubo nga napatay ang bata kag yara na sa kritikal nga kondisyon ang lola.
Nahibaluan nga ang bata, ang anak ni Kimberly Achas, nga brutal nga ginpatay sang iya live-in partner, nga nakuhaan sang CCTV Camera, sang Marso, 2023, rason nga nagpuyo ini upod sa iya lolo kag lola.
