4 ka mangingisda dakop nga nagapatigayon sang iligal nga pagpangisda sa kalalawran sang Panay

ROXAS CITY – Dakop ang apat ka mga mangingisda kag isa ka sakayan nga nagapatigayon sang iligal nga pagpangisda sa kadagatan nga sakop sang banwa sang Panay.

Ginkilala ang mga nadakpan nga sanday Richard Dela Cruz 41-anyos sang Barangay Tanque kaupod ang tatlo ka mga crew nga sanday Joel Teorica 34-anyos, Mark Rodrigo 29-anyos kag Ryan Geanga 26-anyos nga lunsay mga residente ang Barangay Culasi sining syudad.

Narekober naman sa mga mangingisda ang 20 kilos sang nagkasari-sari nga isda, lambat kag iban pa nga mga fishing gear.

Sa karon, yara na sa Panay Municipal Police Station ang motorbanca para sa  nagakaigo nga disposisyon.