ROXAS CITY-Apat ka mga armas-luthang ang boluntaryo nga ginsungka sang mga barangay official sa mga kapulisan sa banwa sang Mambusao.
Una nga ginsungka ni Punong Barangay Dino Labao sang Barangay Bato-bato ang isa ka unit sang kalibre .38 nga armas luthang nga wala sang bala.
Ginsungka man ni Barangay Kagawad Juvy Reyes sang amo man nga barangay ang isa pa gid ka unit sang kalibre .38 nga armas-luthang nga wala man sang bala.
Magluwas diri ginsungka man ni Punong Barangay Joefred Sheen Jumbas sang Barangay Bating sang nasambit nga banwa ang isa ka unit sang kalibre .38 nga armas-luthang nga wala man sang bala.
Samtang, boluntaryo man nga ginsungka ni Barangay Kagawad Nelson Potato sang Barangay Pangpang Sur sang nasambit nga banwa ang isa ka holen gun sa mga kapulis.
Sa karon, yara na sa kustodiya sang Mambusao Municipal Police Station ang nasambit nga mga armas-luthang kag natalana nga i-turn-over sa FESAGS division sang CPPO para sa nagakaigo nga disposisyon.
