ROXAS CITY – Apat ka mga armas luthang ang ginturn-over sang nagkalain-lain nga mga indibidwal sa magkatuhay nga mga Municipal Police Station sa probinsya.
Una diri, ginturn-over ni Punong Barangay Dino Labao sang Barangay Bato-Bato sa banwa sang Mambusao ang isa ka ripple grenade kag Rommel Dilla 26-anyos kag Nestor Marquez 48-anyos nga lunsay mga residente sang Barangay Manibad ang ila tagsa ka mga hollen gun sa Mambusao PNP.
Samtang, boluntaryo man nga ginsungka ni Punong Barangay Ronelo Escelito sang Barangay Agtanguay sa banwa sang Dao ang isa ka unit sang homemade 12 gauge shotgun nga wala sang bala sa mga kapulisan sang Dao Municipal Police Station.
Ginapahayag nga ginsungka sang wala na nagpakilala nga residente sa amo nga opisyal ang nasambit nga armas luthang.
Sa karon, yara na sa kustodiya sang tagsa ka mga pulisya ang mga armas luthang kag natalana nga iturn-over sa FESAG’s division sang Capiz Police Provincial Office.
