4 ka mga indibdiwal lakip na ang tatlo ka tuig nga bata, patay sa sunog

Indi magnubo sa apat ka tawo lakip na ang isa ka tatlo ka tuig nga bata ang napatay matapos ma-trap sa ila puluy-an nga nasunog sa Barangay 107, Pasay City.

Nagluntad ang sunog pasado ala 1:00 sang hapon kag madasig nga naglapta sa mga balay nga human sa light materials.

Nakalab-ot man ang kalayo sa kaiping nga Barangay 106.

Suno sa mga residente, posible nga naglupok nga tangke ang gintunaan sang sunog, apisar nga padayon pa ang imbestigasyon sang mga otoridad sa insidente.