Padayon ang search and rescue operation sa apat ka mga mangingisda nga wala nakapauli sa Barangay Binaobawan, Pilar matapos nagpangisda sa lawud.
Ginpahayag ni Punong barangay Marilyn Belalo nga sa pihak nga yara na sa storm signal number 1 ang probinsiya sang Capiz, apang nagpalawud sa gihapon ang mga mangingisda nga sanday Vicente Salvadico, Mark Salvadico, Melvin Salvadico kag Jareth Daguhoy.
Ginsugat pa sa lawud ang mga mangingisda apang nagpauli ang nagsugat kag nagpabilin sila bangud nakataktak na sila sang arong.
Nakatawganay pa ang isa ka mangingisda nga si Vicente Salvadico kag ang iya asawa apang pagkadugay dugay nadula ang signal kag nadula ang ila nga komunikasyon.
Gilayon nga nagpatigayon sang search and rescue operation ang Philippine Coastguard kag ang bantay dagat sang Pilar.
