4 ka mga persona dakop, matapos nagapatigayon sang illegal nga pagbulang sa banwa sang Tapaz

ROXAS CITY – Dakop sa akto ang apat ka mga indibidwal, matapos nagapatigayon sang illegal nga pagbulang sa Barangay Candelaria, Tapaz Capiz.

Sa impormasyon nga nakuha sang Bombo Radyo nagikan sa Tapaz Municipal Police Station, ginapahayag nga ang 3 sa mga nagkaladakpan ang residente sang nasambit nga lugar kag ang isa naman ang residente sang Barangay San Julian sa amu nga banwa.

Nakuha sa paghinakop sang mga ini ang 7 ka mga patay kag 4 ka buhi nga manok nga pangbulang, nagkalain-lain nga cockfighting paraphernalias, kag P3,045.00 sa nagkalain-lain nga denominasyon.

Sa karun yara na sa kustodiya sang Tapaz MPS ang mga nagkaladakpan para sa nagakaigo nga disposisyon.