ROXAS CITY – Nagkaladakpan ang 4 ka mga truck nga may karga sang balas sang mga katapo sang kapulisan kaina sang aga sa banwa sang Dumalag.
Suno sa impormasyon nga nakuha sa Dumalag PNP, may naghatag sa ila impormasyon nga may yara sang mga dump truck nga nagikan sa banwa sang Tapaz ang may karga sang balas kun sa diin maga-agi sa bahin sang Dumalag.
Gilayon naman nga ginbantayan sang Dumalag PNP ang dalanon kag diri sila nagkaladakpan.
Nahibaluan nga ang 1 sa dump truck nakapangalan sa isa ka pribado nga kompaniya.
Magapangatubang ang mga ini sa paglapas sa Executive Order 05 series of 2022 nga ginpaguwa ni Gov. Fredenil Castro bangud ilegal ang ila transakyon kag wala sang special permit to operate.
Sa subong temporaryo nga nakakustodiya sa Dumalag MPS ang mga salakyan kag ginahulat ang desisyon sang Capiz Provincial Environment and Natural Resources Office (CaPENRO) angut sa insidente.
