ROXAS CITY – Nakarekord sang apat ka mga panibag-o nga kaso sang Coronavirus Disease ukon COVID-19 sa Barangay Poblacion, Dumalag, Capiz.
As of September 16, ini ang ginalakipan sang mga masunod;
CASE # 07: LALAKI, 93 ANYOS ANG EDAD, PUMULOYO SANG BRGY. POBLACION KAG SUBONG NAKA ADMIT SA ISA KA OSPITAL SA SYUDAD SANG ROXAS.
CASE # 08: BABAYE, 21 ANYOS ANG EDAD, PUMULOYO SANG BRGY. POBLACION KAG HIMATA SANG NAGPOSITIBO NGA CASE # 10.
CASE # 09: BABAYE, 45 ANYOS ANG EDAD, PUMULOYO SANG BRGY. POBLACION KAG HIMATA SANG NAGPOSITIBO NGA CASE # 10.
CASE # 10: LALAKI, 77 ANYOS ANG EDAD, PUMULOYO SANG BRGY. POBLACION KAG SUBONG NAKA ADMIT SA ISA KA OSPITAL SA SYUDAD SANG ILOILO KAG NAKA SCHEDULE PARA SA ISA KA OPERASYON.
Bangud diri, ginpaidalom na sa Enhance Community Quarantine ang Barangay Poblacion sa nasambit nga banwa.
Sa interview sang Bombo Radyo kay Punong Barangay Basti Salazar nga wala man sang dapat kabalak-an ang mga residente bangud hugot sa gihapon nga pagabantayan ang ila barangay.
Mahibaluan nga nagpaguwa sang Executive Order si Dumalag Mayor Amado Eriberto Castro nga ipaidalom sa lockdown ang amo nga barangay sumugod Setyembre 17, 2020 tubtob Setyembre 30, 2020.
Ari ang mga dapat kag indi dapat paghimuon samtang ang BRGY. POBLACION ara sa ECQ:
1. Pwede kaagi ang mga APOR kag ang emergency purposes sa aton checkpoints.
2. Kung Taga Poblacion ka indi ka pwede ka guwa sa Brgy Poblacion.
3. Kung ara ka sa iban nga lugar kag gusto mo mag kadto sa Poblacion indi pwede maliban na kung essential goods ang kinahanglan nga paga baklon.
4. Exempted ang mga gadeliver ka essential goods.
5. Exempted ang gatrabaho sa gobyerno, banko, pawnshops kag sa mga baligyaan ka essential goods.
6. Kung indi ka it taga poblacion kag halin ka sa iban nga lugar pwede ka gid kaagi basta deretso ka sa inyo nga barangay.
7. Sa mga naga edad 21 panubo kag 60 pataas gina dumilian ang pag guwa sa anda nga mga panimalay lakip man ang mga galain ang pamatyag.
8. Magsuksok permi it face mask kag kung pwede pati face shield kag mag obserbar it social distancing.
9. Kutob sa mga indi gid it kinahanglanon nga mga baligya ang hugot nga paga bawalan magbukas ukon magbaligya.
Samtang, nagpanugyan naman si Castro nga kun mahimo nga magsunod ang tanan nga mga pumuluyo sa banwa sang Dumalag sa mga ginapatuman nga mga minimum health protocols nga ginapatuman agud malikawan ang nasambitan nga virus.
