ROXAS CITY – Dakup ang 4 ka persona matapos ginkasahan sang drug buybust operation sang gintingub nga pwersa sang Capiz-PPDEU, Tapaz kag Dumalag SDET, las 10:48 kagab-i, Marso 9 sa Barangay Switch, Tapaz, Capiz.
Ginkilala ang mga nadakpan nga sanday Rosie Gascon, 40-anyos, Raymund Galagate, 35-anyos, Arnel Fabayos, 35-anyos kag Jerson Liaban, 22-anyos lunsay residente sang nasambit nga banwa.
Nakuha sa posesyon sang mga suspek ang 10 tanan ka sachets sang ginasuspetsahan shabu, kun sa diin isa diri ang nabakal sang pulis nga nagserbe poseur buyer sa baylo sang P1,500 nga buybust money, 2 ka unit sang cellphone kag empty foundation container.
Ginabulubanta nga nagabug-at sa 10 ka gramo ang mga suspected shabu kag may market value nga P68,000.
Magapangatubang sang panumbungon nga paglayas sa RA 9165 ukon Comrehensive Dangerous Drugs Act of 2002 ang nasambit nga mga persona.
