ROXAS CITY – Nag-angkon sang pilas sa magkatuhay nga parte sang lawas ang apat ka mga indibidwal matapos nga naaksidente sa ginasakyan nga motorsiklo sa Pueblo de Panay, Barangay Lawaan, Roxas City.
Base sa inisyal nga imbestigasyon sang mga kapulisan nga samtang ginasubay ang dalanon sang driver sang motorsiklo nga si Reynar Almado 20-anyos sang Baranga Dinginan kaupod ang tatlo ka mga backrider nga sanday Edhen Bendiro Dolor 19-anyos sang Barangay 5 kag duha ka mga menor de edad sang aksidente na lamang ini nga nadulaan sang kontrol sa pagmaneho ang nasambitan nga driver.
Bangud diri, natumba ang motorsiklo rason nga nag-angkon sang mga kasamaran sa lawas ang nasambit nga mga indibiwal nga gilayon naman gindapatan sang pagbulong.
Nahibaluan nga yara sa idalom sang impluwensya sang makahulubog nga ilimnon ang amo nga driver rason nga temporaryo ini ginkustodiya sa Roxas City PNP subongman ang iya motorsiklo para sa nagakaigo nga disposisyon.
