ROXAS CITY – Pilason ang apat ka mga persona matapos ang nagluntad nga aksidente sa dalanon sang Barangay Poblacion Sur, Sigma, Capiz.
Base sa inisyal nga imbestigasyon sang Sigma Municipal Police Station, ginkilala ang mga biktima nga sanday Noli Ber Bernaula, 28 anyos kag kaupod ang duha ka mga backriders nga sanday Isidro Francisco, 21 anyos kag John Kenneth Jarencio nga lunsay yara sa legal nga edad kag mga residente sang Barangay Acbo sa amo man nga banwa.
Nahibaluan nga magapadulong na kuntani sa banwa sang Dao ang mga biktima sakay sa motorsiklo sang hinali na lamang nga nag-overtake ang motorsiklo nga ginamaneho ni Jodel Marcelino, 18 anyos sang Barangay Dayhagon sa amo man nga banwa.
Bangud diri, nagbungguanay ang duha ka mga motorsiklo rason nga nag-angkon sang mga kasamaran sa lawas ang nasambit nga mga persona nga gilayon naman gindala sa ospital agud dapatan sang nagakaigo nga pagbulong.
