PANAY, CAPIZ – Dakop ang apat ka mga mangingisda matapos nga nadakpan sang Bantay Dagat nga nagapatigayon sang iligal nga pagpangisda sa kalalawran nga sakop sang Panay, Capiz.
Ginkilala ang mga nadakpan nga sanday Renante Dela Cruz,34-anyos, kapitan sang sakayan nga FB KARREN kun sa diin kaupod sini ang mga crews nga sanday John Antojado, 39-anyos; Rowel Rago, 52-anyos kag Raffy Baldonado 52-anyos nga lunsay mga residente sang Barangay Culasi sining siyudad.
Narekober sa mga nagkaladakpan ang sakayan nga ginamit sang mga ini sa pagpangisda, fishing net, 10 kilos sang nagkalain-lain nga mga isda kag mga fishing paraphernalia.
Gilayon naman nga nagpakig-angut ang Panay Municipal Police Station sa MDRRMO-Panay para sa nagakaigo nga disposisyon sang nasambit nga mga mangingisda.
