Nagpagkit sang apat katawo ang napatay bangud sa pag-igo sang buhawi sa St. Lucie sa Florida.
Ang nasambit nga pag-igo sang tornado ang kadungan sang pagpanalasa sang Hurricane Milton.
Bisan pa nga padulong na sa Atlantic Ocean ang bagyo, nagpa-andam sa gihapon ang mga opisyal nga maka-eksperyensya sa gihapon sang mabaskog nga hangin kag pag-ulan.
Nagpasalamat naman ang mga opisyal sang Tampa, Florida bangud wala sila sang na-eksperyensyahan nga anuman nga storm surge.
Ginpahayag ni Florida Governor Ron DeSantis nga may yara sang 80,000 katawo ang nagapabilin sa shelters.
Nagpasalamat na lamang sila bangud sa indi nangin tuman ang kahalitan sa nasambit nga bagyo.
Naglab-ot na sa masubra 3 ka milyon nga mga residente ang nadulaan sang suplay sang kuryente sa Florida samtang nag-angkon naman sang gamay nga danyos ang Tampa International Airport.
Nagpaandam naman ang mga otoridad nga lauman ang mga pagbaha bangud sa pag-ulan.
