-- ADVERTISEMENT --
Patay ang 4 ka sakay sang private plane nga may Body No. N349CA nga nagtibusok sa Barangay Malatimon, Ampatuan, Maguindanao del Sur subong nga adlaw sang Huwebes, Pebrero 06,2025.
Sa inisyal nga impormasyon nagikan sa mga otoridad apat ang sakay sang pribado nga eroplano lakip na ang piloto sini.
Payahag pa nga wala sang may nakaluwas sa mga pasahero kun sa diin padayon pa nga ginahibalo ang mga identity sang mga ini.
Sa karon, padayon pa ang ginapatigayon nga retrieval operation agud makuha ang tanan nga parte sang eroplano, samtang padayon naman ang imbestigasyon sang mga otoridad angut sa nasambit nga insidente.
