Patay ang apat ka mga persona matapos nga gin-arado sang Isuzu truck wing van nga nagaduag puti ang isa ka sari sari store kag JBL corn dryer sa Sitio Baklayan, Barangay Apero, Sara, Iloilo.
Ginkilala ang mga biktima nga sanday Henry Diyan Jr. 36-anyos, residente sang Barangay Milibili, Roxas City kag driver sang trak, An Rey Sinoy sang Barangay Bankal, Lemery, Iloilo kag helper sa trak, Norsan Romualdo 27-anyos kag Jojo Ciudad 31-anyos sang Barangay Arante, Sara, Iloilo.
Ba-se sa report nga samtang ginasubay sang trak ang national highway sa Barangay Apero, Sara, aksidente ini nga nadulaan sang kontrol kag gin-arado ang tiyangge kag corn dryer.
Gilayon nga gindala sang nagresponde nga kapulisan ang mga biktima sa Sara district hospital, apang gindeklara sila nga dead on arrival sang doktor.
