ROXAS CITY – Pilason ang apat ka mga persona matapos ang nagluntad nga aksidente sa Barangay Lawaan, Roxas City.
Ginkilala ang biktima nga sanday Steve Mark Falcis, 23 anyos, driver sang motorsiklo, Sheryl Benjamin, 21 anyos kag duha ka mga menor de edad nga lunsay mga residente sang Sitio Nasagud, Barangay Bolo, sining siyudad.
Base sa imbestigasyon sang Roxas City PS nga samtang ginasubay sang nasambit nga driver sang motorsiko ang nasambit nga dalanon padulong sa Barangay Bolo sang aksidente nga nadulaan ini sang kontrol sa pagmaneho kag natumba sa dalan.
Bangud diri, nag-angkon sang mga kasamaran sa magkatuhay nga parte sang lawas ang apat ka mga biktima nga gilayon naman nga gindala sa isa ka pribado nga ospital agud dapatan sang nagakaigo nga pagbulong.
