ROXAS CITY – Pilason ang apat ka mga tawo matapos mabungguan sang isa ka pribado nga salakyan ang tricycle sa Sitio Arcabalo, Barangay Milibili, Roxas City.
Padayon nga ginabulong sa ospital ang driver sang tricycle nga ginkilala kay Johnny Burata 42-anyos kag mga pasahero nga sanday Bryan Rey Ciudad, Rosalyn Labonte kag Roselyn Ambac, lunsay mga residente sang Sitio Pang-Pang, Barangay Bato, Roxas City.
Nagaguwa sa imbestigasyon sang Roxas City PNP nga samtang ginasubay sang tricycle ang dalan padulong sa Barangay Bolo, hinali nga ginlanggap sang driver sang pribado nga salakyan nga si Jonathan Vega sang Barangay Lanot, Roxas City ang lane nga ginaagyan sang tricycle rason sa pagbunggu-anay sang duha ka mga salakyan.
Gilayon nga gindala sa ospital ang mga biktima para madapatan sang pagbulong ang naangkon nila nga mga samad.
