ROXAS CITY – Pilason ang apat ka persona matapos nagbunggu-anay ang duha ka tricycle sa Barangay Tanza Gua, Roxas City.
Nag-angkon sang pilas sa lawas ang mga biktima nga sanday Bertito Bolina 62-anyos, driver sang tricycle kalakip ang mga pasahero nga sanday Arlene Bolina 64-anyos, Lenly Bolina 35-anyos kag isa ka menor de-edad lunsay mga residente sang banwa sang Pontevedra, Capiz.
Ba-se sa imbestigasyon sang Roxas City PNP ginasubay sang tricycle nga ginamaneho ni Bolina ang karsada sang magsugat-anay sila sang isa ka triycle nga ginamaneho ni Roseller Late 45-anyos sang Barangay Bagacay, Panay, Capiz kag magbunggu-anay.
Bangud sa aksidente gindala sa ospital ang apat kalakip ang driver nga si Bolina para mabulong ang ila mga samad.
Samtang boluntaryo naman nga nagsungka sa istasyon sang pulisya ang driver sang isa ka trycicle nga si Late.
