JAMINDAN, CAPIZ – Ginbawian sang kabuhi ang isa ka 4-tuig nga babayi matapos ini mabiktima sang indiscriminate firing sa banwa sang Jamindan, Capiz.
Sa interview sang Bombo radyo kay Police Captain Merry Chris Dela Cruz, Spokeperson sang Capiz police Provincial Office, iya ginpahayag nga ang mismo suspect nga 65-anyos amo ang lolo sang biktima.
Suno kay kay Police Captain Merry Chris Dela Cruz, base sa inisyal nga imbestigayon, ginalaegar nagpalupok ang suspect kadungan sang Bag-ong tuig kag pagsulod sini sa ila balay gintuntong sini sa lamesa ang amo nga armas kag bangud naoitik ang trigger, didto kag naigu-an ang bata sa bahin sang sini ulo.
Gintinguhaan pa nga madala sa ospital apang gindeklara nga dead on arrival ang biktima.
Pahayag pa niya, yara na sa paghinakop sang kapulisan ang suspek lakip na ang armas sini apang nagdesisyon na ang pamilya sang biktima nga indi na magpasaka sang kaso.
Sa subong, padayon ang imbestigasyon kun bala ang armas nga narekober sa suspek ang lisensyado ukon indi.
Nagpanawagan man ang natungdan sa mga nagahupot sang armas nga mangin responsible agud indi na maliwat ang nasambit nga insidente.
